選擇麵包

在大阪三個月的實習完成回港已快有2星期，在這半個月內不停有朋友問自己同一個問題，就是有沒有不習慣香港的生活。

畢竟自己在香港生活了三十年有多，才離開短短三個月，實際的生活上其實並不會有不習慣的地方。不過心情方面，倒真是有點不習慣。總不明白為何在香港的時間表總是排個滿滿的，要找個一整天的free day似乎是一種奢侈。不論工作和讀書，總有一種「一波未平一波又起」的情況出現，要完成的工作、功課和deadlines總是以排山倒海之勢一湧而至，有時實在令人吃不消。

在這種生活迫人的繁忙生活底下，腦袋裡就只好裝著每天的工作和各項瑣碎事，生活裡很多的喜悅也似不懂得去享受，又或者是對很多事物都失去了興趣，腦裡面只想躲懶在家的床上過著大半天。就這樣在有限的時間和空間裡，不能停步地日復一日重複著工作、工作和工作...... 過往的自己也正是這樣地生活，幸好在大阪的三個月，讓我有時間和空間去體會和明白，在工作和生活中找到義意的喜悅和重要性。

賺取麵包，固然是重要；但你有權去選擇哪一款麵包。

一別十年

　早幾日send咗個賀年email俾日本三重嘅一個日文老師 - あゆみ先生(亞由美老師)，今日收到佢嘅電郵回覆，而且仲attach咗幾幅「家族写真」（即係Family Photo）俾我睇。仲記得當年認識あゆみ先生已經係96,97年嘅事，當年佢跟咗老公嚟到香港生活，佢對仔女都仲係好細。今次睇返佢啲家庭照，阿仔航大郎已經18歲，而細女夢步亦都15歲等緊升高中。只可以概嘆時間快逝。

　當年佢離開香港時，我同一班日文班嘅同學去送機，當時仲係講緊喺啟德機場度坐飛機。後來我去名古屋嘅時候，抽咗時間去過三重縣果面探佢～佢仲好好咁車咗我去伊勢度參拜神宮添~ 嚟緊佢地3月會過嚟HK幾日，到時就可以再重聚，上次一別，原來已經係10年前...... 雖然咁耐冇見，但人情猶在，還是要好好招待他們一家。