太多「奏鳴曲」？

　　病咗幾日，今日睇第二次醫生。咳嚴重咗，但好彩係鼻水收咗，狂流鼻水真係好慘！感冒搞到個人週身都冇咩力咁，今日最後都係請咗一日病假，一起身都已經係下晝一點半，喪瞓十幾個鍾的確好！

　　雖然病咗，但禽晚仍然同老友Ogake去咗食飯慶生，佢歩我後塵踏入31高齡，真係恭喜晒佢。31高齡仍然要走可愛路線，其實對佢身邊嘅人嚟講都係一種負擔(汗)哈... 不過有佢係度嘅時候，笑料一籮籮，大家都唔洗怕悶~最係佢最大既優點之一。禽晚同佢去松屋食放題，果度真係百食不厭，因為價錢同食物質素都唔錯，值得一去再去。

　　今日終於約到朋友去睇《トウキョウソナタ》（港譯：東京奏鳴曲），之前想睇但因為場數好少一直都就唔啱時間去睇。朋友話：「做咩近排套套都叫奏鳴曲？」，但其實《東京奏鳴曲》的日文原因係《トウキョウソナタ》，亦即是英文的"Tokyo Sonata"，所以直譯「東京奏鳴曲」亦理所當然；而港譯《禮儀師之奏鳴曲》一片的日文原名中，才是沒有「奏鳴曲」一詞。日本原名為《おくりびと》，意思即是「送行的人」。

トウキョウソナタ（東京奏鳴曲）
http://tokyosonata.com/index.html

おくりびと（禮儀師之奏鳴曲）
http://www.okuribito.jp/