遠征赤柱懲教~

很久沒有寫BLOG。
是太累？還是太累是藉口，太懶才是主因？

一早返到公司不停手去準備工作，
明天medical appointment請了假，
星期三一早又要去到元朗無雷公咁遠嘅鄉郊嘅一個戒毒村去講講座，
所以唔準備定都唔得。

十二點半就拿拿臨落咗樓下hea咗碗米粉同埋油菜全走，
之後就坐14號巴士入到去赤柱。

早咗少少，
又晒又熱，
於是走咗入去赤柱圖書館。
起好之後都冇去過，
入到去雖然地方唔大，
但感覺幾好，
睇咗唔夠十分鐘嘅「天龍八部3」。

慢慢行到去懲教署嘅訓練學校，
去到門口啱啱好。
上到課室，成班新仔稱呼自己做「阿Sir」，
真係幾搞鬼。
成個下晝講咗兩場，
中間同一個madam去咗canteen飲咗杯野，
madam都幾健談，
思想中仲比我想像中開放。

之後坐40號小巴出返銅鑼灣，
多謝Henry哥哥請我食生日大餐。
食日本野就最開心，
狂食狂飲，
傾傾講講，
開開心心過咗一晚，
多謝晒佢嘅請客！